Politika e Privatësisë

1. Fusha dhe kuadri ligjor

Politika zbatohet për website-in publik të OMNIA, kërkesat e dërguara në info@ads.com.al dhe të dhënat teknike që krijohen gjatë vizitës.

Përpunimi synon të jetë në përputhje me Ligjin nr. 124/2024 “Për mbrojtjen e të dhënave personale”, aktet nënligjore dhe udhëzimet e Komisionerit për të Drejtën e Informimit dhe Mbrojtjen e të Dhënave Personale (IDP).

2. Rolet dhe përgjegjësitë

Albanian Digital Solution është kontrollues për të dhënat e mbledhura përmes website-it publik dhe komunikimeve direkte me ADS.

Kur OMNIA përdoret nga një klient për të përpunuar të dhënat e biznesit të vet, klienti përcakton qëllimet dhe mjetet thelbësore të përpunimit si kontrollues; ADS vepron si përpunues sipas kontratës dhe udhëzimeve të dokumentuara të klientit.

3. Të dhënat që përpunojmë

• Të dhënat që jepni në email, si emri, organizata, adresa e email-it dhe përmbajtja e kërkesës.
• Të dhëna teknike minimale, si adresa IP, data dhe ora, URL-ja e kërkuar, user-agent dhe ngjarjet e sigurisë.
• Identifikuesit e session-it, token-i CSRF dhe preferenca e cookies, siç përshkruhen në Politikën e Cookies.

4. Qëllimet e përpunimit

• Përgjigjja ndaj pyetjeve dhe kërkesave për prezantim.
• Funksionimi, siguria, diagnostikimi dhe mbrojtja e website-it.
• Dokumentimi i komunikimeve dhe mbrojtja e të drejtave ligjore.
• Përmbushja e detyrimeve ligjore dhe rregullatore.

5. Baza ligjore

Sipas rastit, përpunimi mbështetet në marrjen e hapave me kërkesën tuaj para lidhjes së një kontrate, përmbushjen e kontratës, detyrimin ligjor, interesin legjitim për sigurinë dhe komunikimin e biznesit, ose pëlqimin kur ai kërkohet.

6. Afatet e ruajtjes

Të dhënat ruhen vetëm për aq kohë sa nevojiten për qëllimin përkatës, duke marrë parasysh detyrimet ligjore, sigurinë dhe afatet e pretendimeve.

• Email-et dhe komunikimet e kontaktit ruhen deri në 12 muaj pas mbylljes së kërkesës, përveçse kur ligji kërkon një afat tjetër ose nevojitet ruajtje për një pretendim ligjor.
• Session-i i website-it ka kohëzgjatje 120 minuta, sipas konfigurimit aktiv të aplikacionit.
• Log-et aplikative të landlord-it ruhen 14 ditë, sipas konfigurimit aktiv të aplikacionit.

7. Marrësit dhe ofruesit

Të dhënat mund t’u bëhen të disponueshme vetëm stafit të autorizuar, ofruesve teknikë që veprojnë sipas udhëzimeve tona, këshilltarëve profesionalë ose autoriteteve kur kërkohet me ligj. Ne nuk i shesim të dhënat personale.

8. Transferimet ndërkombëtare

Nëse një ofrues kërkon transferim jashtë Shqipërisë ose një juridiksioni me mbrojtje të përshtatshme, transferimi kryhet vetëm me një bazë dhe masa mbrojtëse të lejuara nga ligji në fuqi.

9. Siguria

Zbatojmë masa organizative dhe teknike të përshtatshme, duke përfshirë kufizimin e aksesit, autentikimin, gjurmueshmërinë, kopjet rezervë dhe monitorimin. Asnjë sistem nuk mund të garantojë siguri absolute.

10. Të drejtat tuaja

• Të kërkoni akses dhe një kopje të të dhënave tuaja.
• Të kërkoni korrigjim, fshirje ose kufizim të përpunimit kur plotësohen kushtet ligjore.
• Të kundërshtoni përpunimin dhe të kërkoni transferueshmëri kur zbatohet.
• Të tërhiqni pëlqimin pa cenuar ligjshmërinë e përpunimit të mëparshëm.
• Të mos i nënshtroheni një vendimi vetëm të automatizuar kur ligji ju jep këtë të drejtë.

11. Kërkesat dhe ankesat

Për të ushtruar të drejtat, shkruani në info@ads.com.al. Mund të paraqisni gjithashtu ankesë pranë IDP-së nëpërmjet kanaleve zyrtare në idp.al. Mund të kërkojmë informacion të arsyeshëm për të verifikuar identitetin tuaj.

12. Të miturit

Website-i dhe OMNIA synojnë përdorues biznesi dhe nuk u drejtohen qëllimisht fëmijëve.

13. Ndryshimet e politikës

Mund ta përditësojmë këtë politikë kur ndryshojnë shërbimet, konfigurimi ose kërkesat ligjore. Data e përditësimit shfaqet në krye të faqes.

14. Kontakti i kontrolluesit

Albanian Digital Solution, NIPT M61615021U, Rr. Papa Gjon Pali II, Nr 3, 1003 Tiranë. Email: info@ads.com.al. Web: ads.com.al.